الرئيسية
البجعة الجمعة مارس 06, 2009 8:42 pm
سألوني ... أنت منين ؟
نشوفك مهموم وحزين مضيعلك حبيب ... لو أهلك بعيدين ؟
منين أنت ؟
من سوريا ... لو من عمان ... لو من الامارات ... لو من البحرين
كلتلهم سوريا جارتنا وبيها احباب عايشين
وبعمان عدنا ناس راحولها مجبورين
وبالامارات حبايبي
وبالبحرين صديقي وجاري همين مهجورين
هذوله احنا بالعالم متشردين
وللغربة والاعداء وطنا عايفين
هسة عرفتوني اني شنو ... واني منين
أني اللي يسموني عراقي ابن الرافدين
هذه رسالة لقلوب كل العامة ولقلوب العراقيين
نصعد جبل بدهوك ونصيف بالسليمانية
ونشرب لبن اربيل ونكعد كعده عربية
وناخذ من الموصل الكبة المشوية
وياعيني على ديالى محلاها برتقالية
ونمر على بغداد ونكول بعون الله محمية
ونتعشه بالانبار تمن ودليمية
وكيمر السدة ناكله من ايد حلاوية
وناخذ تمر زهدي من الناصرية
وانزور الامام الحسين زيارة كربلائية
من البصرة نتعلم صبر شكد شافت أذية
سألتوني أني منين وهذه الهوية
هذا اني العراقي ابن العراقية
